नई दिल्ली। दिल्ली के भारत मंडपम म चलत AI समिट ले एक ठन हड़कंप मचाय वाला खबर आगू आए हे। NeoSapien कंपनी के सीईओ अउ को-फाउंडर धनंजय यादव ह आरोप लगाय हे कि ओखर स्टॉल ले एआई वियरेबल डिवाइस (AI wearable device) चोरी होगे। धनंजय के कहना हे कि ये घटना ओ बखत होईस जब प्रधानमंत्री नरेंद्र मोदी के आए ले पहिली सुरक्षा के सेती एक्सपो एरिया ला खाली कराय जात रिहिस।
सीईओ ह सवाल उठाइस हे कि जब पूरा एरिया म आम मनखे मन के एंट्री बंद रिहिस अउ सिरिफ़ सुरक्षाकर्मी मन ला ही जाय के अनुमति रिहिस, त ओखर कंपनी के महंगा डिवाइस मन आखिर चोरी कइसन होगे? ओ मन एला सुरक्षा व्यवस्था ऊपर बड़ सवाल बताइन।
बता दन कि NeoSapien कंपनी अइसन एआई डिवाइस बनाथे जउन गोठ-बात ला ट्रैक अउ भावना मन के विश्लेषण कर सकथे। धनंजय ह सोशल मीडिया प्लेटफॉर्म X म पोस्ट लिखके अपन दुख जताइस अउ कहिस कि “AI इम्पैक्ट समिट के पहिली दिन हमर बर पीरा भरे रिहिस।” ओ मन बताइन कि वो ह ए समिट ला लेके बहुत उत्साहित रिहिन, काबर कि एखर आयोजन पहिली बार भारत म होवत हे।
समारोह म सामिल होवत हें दिग्गज भारत मंडपम म होवत ए पांच दिन के समिट के उद्घाटन 16 फरवरी के प्रधानमंत्री नरेंद्र मोदी ह करिन। ए अंतरराष्ट्रीय कार्यक्रम म दुनिया भर के बड़े टेक लीडर्स अउ बिजनेस दिग्गज सामिल होवत हें, जेम सुंदर पिचई (Google), बिल गेट्स (Microsoft) अउ सैम ऑल्टमैन (OpenAI) जैसे बड़े नाम सामिल हें।
धनंजय यादव बर ए समिट निराशाजनक साबित होईस। ओखर मुताबिक, मंझनिया 2 बजे पीएम मोदी के आगमन ले पहिली, 12 बजे ले ही एक्सपो एरिया म कड़ा सुरक्षा जांच सुरू होगे रिहिस। धनंजय ह बताइस कि सुरक्षाकर्मी मन ओला अचानक उहां ले हटे बर कहिन। ओखर कहना हे कि सुरक्षाकर्मी मन के बीच तालमेल के कमी रिहिस, जेखर सेती ये घटना होईस।
